最近買左呢款便攜輕食袋便，可以摺埋細細個，好輕身，帶出街幾方便，唔駛等阿姐山長水遠拎個飯盒嚟，再問你要唔要加個袋要收多5毫紙，為走塑出一分力!! 貪得意試下拍片，純個人試用分享，自己真金百銀買黎自用，無廣告成份!!XDDDD
– 容量大，好似個大湯碗咁
– 內層為TPU薄膠，好軟身，BPA Free, 耐熱達120度，可直接接觸食物
– 內層完全防水防漏，可放湯水或多汁食品，如冷麵，沙律等
– 透過捲動設計可隨意調教食物袋的大小
– 頂部為堅固膠扣手抽設計，可排在背囊手推車上，更易攜，不怕壓扁食物。
– 底部為圓形軟墊，具承托力
– 街市買餸可放海鮮鮮肉，不怕漏汁 (但避免貝殼蝦蟹或有尖骨，擔心吉穿)
– 可放小朋友餐具
– 打包各式不同剩食
– 容易反出清洗內層，亦可放洗衣機洗
一睇就買到DJI Osmo Pocket，好開心好開心!! 多謝爸B!! 已經急不及待想要追住心怡瘋狂影錄影!! XDDD
飲完茶心思思去百老匯望下Osmo Pocket有幾Mini同效果如何，之前有試用過朋友的DJI大支裝，真係好穩定。依家呢部Pocket仲有埋相機，睇下有幾勁先!!
事先講明，我係非專業攝影，純粹用家實評XDD 仲要D時間去學習點樣玩。 如果需要專業詳盡介紹，要麻煩去番專業嘅產品介紹。
價錢：$2999 (加送64GB SD Card) —>百老匯價
外觀：全黑機身，真係非常非常咁輕巧同輕身!!! 依家樣樣都追求大部大MON，突然睇到咁細個MON覺得好得意。細細支同部電話差唔多咁長，同部電話差唔多重量。相比起上大大支嘅雲台，呢樣真係無得輸!! 最重要係唔駛下下插住電話先用得，如果想個鏡頭大D先插電話又得。細細部隨時拎起手就影，媽咪袋亦唔會有太重負擔。唔需要因為太新同埋貨源唔夠(當日職員話都係得番4部度)，連百老匯都無DEMO機試玩。所以買之前都要靠幻想實物係點嘅。
操作：首先要手機裝番DJI本身個APP，先可以等連接時去到DJI影相畫面。單手控制非常簡單方便，1秒開機，又有快速自動收合鏡頭，按2下就快速回中，按3下開機制就可以輕鬆轉換鏡頭變自拍或影街。因為未有配到伸縮棍，自拍畫面唔太闊，只係影到2個大人頭。
影像質素：4K鏡頭，有自動追蹤目標功能，呢個好玩!! Double Click個目標後，就會跟住佢移動，不過如果郁得太快或跳得太高，雲台未必追到，之後會提示”目標丟失”… 哈哈哈哈!! 所以應該拍攝者同目標都要同時移動會影得好D。試過我跳住錄影目標，睇番阿目標唔會面容扭曲無起格，但會FEEL到我跳得好勁下!!
儲存資料：過相落手機要將電話插住雲台，按指示做，好簡單易明!
電力：新買未充過電，開機電力約60%。試過連續不停試機玩錄影同拍攝同埋教SETTING，玩左成個幾鐘，都只係用左好少電力，不過部機會有少少熱，但未至於炙熱，天氣凍凍地當埋暖蛋，哈哈哈哈…. 第2日開機再玩，都仲有成50%電力。
MimiJw個人總結：Osmo Pocket同HTC RE的方便程度有D相似，但有埋雲台添啵! 可以穩定地影住好動嘅小朋友，輕便，同埋平過一般相機，去旅行或去街玩都可以影到高質素，留低小朋友最可愛嘅一刻，的確係值得買!!
想了又想之最後都買左！見心怡愈嚟愈好動，曾經試過著住對無防滑底嘅襪仔去波波池遊戲室，扇腳跌過幾次。阿媽我好自責！
慳得就慳嘅我開始唔明白點解支膠水賣成70蚊。所以就試下用白膠漿睇下得唔得，結果梗係唔得啦，等乾嘅時候見佢啲膠水已經滲晒入去，完全無膠表喺襪底。噢，實驗失敗了！又試過去萬能嘅淘寶搵下啦，都唔見有得買。
唔… 日本呢支膠水應該有啲料到，咁岩見有bb網有特價$60蚊，試下啦！😂
效果好好喎，做法非常簡單，好似填洞洞油顏色咁。星星形狀嘅係第一水整，所以唧得好厚。其他嘅就無用圖紙，隨意咁唧。出嚟嘅成果係用圖紙＋厚唧嘅最好！其餘嘅因為厚度唔太平均，同埋收口時有dd尖咀，似軟雪糕😂下次整應該要唧厚身啲+刮平表面先ok! 試著效果都正常，放洗衣機洗都無脫膠，可以著住襪跳舞啦心怡！😂
