爬文說，BB通常在7個月大的時候便會開始認人，對於長期照顧者會產生一種依賴。當被依賴的照顧者需要離開時, 最好給BB一個心理準備和特定的SAY BYE模式 (例如揮手說BYEBYE, 飛吻，親親額頭之類)，好讓BB認知照顧者即將離開的意思，也讓BB有時間調整情緒。最好離開的時間要循序漸進式，將分開的時間慢慢愈拉愈長。當照顧者回來時，也一定要跟BB說: (某某)回來了! 讓他們知道離開後是會回來的。盡量不要令到心怡失去安全感。這些要點我都記在心裡。
月份：三月 2018
【每天成長一點點】偶爾叫叫的「媽媽」
心怡自從不經意懂得發出「媽媽」音後，很偶爾才會叫我要一兩聲。大多數是當背著她、沒有眼神接觸或離開她視線範圍時，偶爾聽到她叫「媽媽」，回頭看她，她會甜甜地望著我笑。非常非常窩心，非常非常幸福
!! 此時，爸B就會熱切期待地討心怡快點學識叫「爸爸」。 心怡就會開始逃走，抱著狗狗公仔手指指東指西的亂說一通。很可愛啊!!
下個月滿1歲的心怡，現在表情多多，說話多多，情緒也開始多多… 最佳的玩耍時間是她睡飽飽之後，看到是文字形象的都會指著說「1」字，聽著歌也會扭腰學跳舞。估計也是個活躍份子!! 
**加插【好物一定要分享】
心怡身穿的是偉大淘寶淘的睡衣，質料意想不到的柔軟舒服，並不是超薄布料，沒有掉色，沒有難聞氣味，經多次洗滌也沒有起毛粒，最喜歡最貼心的是超高腰褲子，不怕好動的她肚子給凍凍! 而且晚上睡覺必須要踢被子的她，穿這種高腰褲，可以多一個安心!! 想淘的媽媽可FACEBOOK PM我或EMAIL ([email protected])問商家連結。HAPPY SHARE!!
【每天成長一點點】心怡識得講「1」字
每日放工加上長途車忙緊搵N班資料, 番到屋企都已經7點3。雖然好攰, 但開門見到心怡期待見到自己嘅笑容，真係神奇地已經快速叉滿番電!!
全日最幸福最珍貴嘅親子時間只有短短的3-4個鐘，我好珍惜每一刻同佢嘅互動，盡量都會全程投入同佢玩。問下佢今日玩左D咩, 睇左咩書書? 佢當然未識答我, 但見佢會好興奮咁拎佢手上嘅玩具俾我, 眼神充滿童真, E E YA YA似乎想表達D咩，呢一刻我希望時間過得慢少少…..
今晚見到心怡識得指住個「1」字之外，仲識講!! 間唔時仲會重覆呢個發音。好明顯地佢係認得個1字。好好彩心怡暫時對睇書都幾有興趣，每日早晚會睇下書, 日間時間有時又會鐘意翻下。最鐘意睇動物書，聽到動作叫聲!! 我唔知佢呢個歲數認字能力算係強定弱, 不過喺我眼中, 係件感動感恩嘅事!! 由於在職媽媽身份，心怡日間時間係由嫲嫲湊，親子互動嘅時間唔多，可以做可以教嘅非常有限… 只可以濃縮左喺晚上嘅3個鐘裡面，盡量發揮小宇宙。其實係有擔心咁樣會唔會間接令心怡生活體驗少左, 學嘅野相對少左… 始終父母都會有自己嘅一套教育方式，而老人家未必理解或配合做到。所以，每當心怡有少少嘅進步，對於我黎講係一個努力嘅成果，值得感動嘅事!
我明白雙職父母其實好普遍，我只不過係其中嘅一個家庭。所以希望可以成功報讀到N班，等心怡多一個機會接觸同適應群體生活，有老師同學仔陪佢玩遊戲唱下歌仔。開開心心笑騎騎又一日!!