心怡去泰國行李清單。總結今次嘅行李清單，剩得最多嘅竟然係奶粉，加埋都只係飲左5餐。因為半年前去台灣佢岩岩1歲多D，對奶嘅需求大好多….依家個人仔大左，可以食多左大人野，變左奶都飲少左! 其次係瑤柱絲，完全無用過! 哈哈!!
做阿媽嘅，多手準備多份安心! 你懂的!!! XDDDD
行程方面，前文都略略提及過，始終有老有嫩，亦唔係自駕遊，要就番小朋友作息。行程唔可以太緊密，搭車時間唔可以太長，所以今次純曼谷都係HEA為主!! 大人有大人分批玩，我地就陪住心怡慢活嘆曼谷!
DAY 1 : BKK – Suvarnabhumi機場 —> T21酒店，稍作休息，執整行裝 —> T21商場LUNCH —> 商場超市購買補給 —> 商場6樓Let’s Relax嘆個按摩 —> Asiatique摩天輪夜市 連同晚餐
DAY 2 : 酒店玩水 —> 玩完訓個靚覺 —> 去ASOK 站附近的大型商場行街 (大人去左拜四面佛) —> BIG C掃貨 —> 爸B同我晚上有節目去左HEAVEN天台酒吧，大人就回T21商場行街晚飯
DAY 3 : SAFARI WORLD動物園 —> FASHION MALL大型商場行個圈(有個好大嘅兒童部) —> CHOCOLATE VILLE —> SHINSEN FISH MARKET晚餐
DAY 4 : 酒店玩水 —> ICON SIAM新商場行街 —> 本來去食活海蝦BBQ，但環境原因最後打道回府返番去T21商場食晚餐 —> 大人去做MASSAGE —> 我地番酒店房HEA
DAY 5 : 大人最後衝刺MASSAGE同掃貨，我地就輕輕鬆HEA行T21 —> 玩酒店小朋友遊戲室 —>下午就回程了!
**機場接送BOOK車，我地搵左KK DAY，第1次用KK DAY APP BOOK，整體幾好，好準時，有禮貌，行車車速都安全，車內都乾淨!!
**去動物園嘅全日包車，我地搵左THK，係香港註冊公司，值得推薦，因為所有野都可以用WHAT’S APP溝通，同埋係24小時都可以搵到人，最緊要覆得又快!! 去到當地用車前1日，佢地會加埋司機入GROUP CHAT，咁樣就萬無一失唔怕搵唔到人又唔知點算!! 我覺我呢樣野THK做得幾好!! 整體幾好，好準時，有禮貌，行車車速都安全，車內都乾淨!!
